فوزية رأفت: مبروك عليكم أحمد عساف

الحدث - فوزية رأفت

عن تعيين الناطق الإعلامي باسم فتح مشرفاً عاماً على الإذاعة والتلفزيون، ورئيسا لمجلس إدارة وكالة الأنباء الرسمية "وفا".

مبروك عليكم أحمد عساف،

ما هي كملت

يا عيني لا تدمعي ويا قلبي لا تخاف.

على شو بدك تخاف.

لو صار هالحكي في دولة عربية مثل لبنان، ممثل فصيل يكون مشرف عام على  الإعلام، 

لضربوا مقر التلفزيون بصواريخ أرض جو هجومية، وحزب الله قصفوا بقذيفة إيرانية.

يا خيبتنا وبلوتنا القوية،

مش عارفين انه قصتنا قصة هوية ما حدا عارف يحكيها من أيام الجاهلية،

وحتى بزمن رياض -مش بس اللي راح- وعم بحكي عن وزير الخارجية.

فلشو نحكي مشرف عام على التلفزيون، ضلينا مستورين بهل قضية لصار عنا تلفزيون و "وفا" وفضائية.

اتعرينا وعريتونا.

شافونا الناس وعرفونا.

لا احنا عارفين شو انسمي المقاوم والشهيد، ولا شو نقول عن حدود بلادي هي غزة ولا الساحل البعيد.

ما هي القصة ضايعة ضايعة، مبروك عليكم أحمد عساف،

وضبوا الطابق لا مين ديري ولا مين شاف.

وعجبي

فوزية رأفت