الخميس  28 آذار 2024
LOGO
اشترك في خدمة الواتساب

فوزية رأفت: في صف في البلد مزّع من زمان كتاب عريقات "الحياة مفاوضات"

2016-01-17 11:05:24 AM
فوزية رأفت: في صف في البلد مزّع من زمان كتاب عريقات
د. صائب عريقات

 

كتبت فوزية رأفت عن خبر اتهام أحد العاملين في دائرة شؤون المفاوضات برئاسة د. صائب عريقات، بالتجسس لصالح إسرائيل التالي:

 

الحمد لله... لا بنسْكَر ولا بنشرب إلا عرق سوس

 

وما أخذ منا الموضوع وقت لنمسك الداسوس

 

والله إنه جبار

 

20 سنة مش كتار

 

وهو رايح جاي

 

بتمختر

 

كأنه مختار

 

والله إنه كبير

 

مثل اللي استقال من المفاوضات مرة

 

وطلع شوية زغيرة مستقيل بس مش كتير

 

واللي قال انه استقال

 

ما بفهم شو قال

 

لانه مكلبش بالمفاوضات

 

وبيضل يعيد ويزيد:

 

فاوض ثم فاوض ثم فاوض كي تفاوض

 

وإن لم تفاوض فآمن أنك يوما ما ستفاوض

 

 

وبضل السؤال المهم اللي سألته إمي:

 

يا هل ترى الداسوس أضر بالأمن القومي؟

 

جاوبناها مرتاحين

 

لا، لإنه من يوم ما حققوا معه من أسبوعين

 

كانوا مرة متأكدين إنه من مكتب عريقات

 

بعدين طلعوا مش عارفين إذا كان مدير في احدى الإدارات

 

وهلأ الإعلاميين بنشروا النفي

 

وتأكيد على النفي

 

انه ما في هيك داسوس أصلا في المفاوضات

 

على كلٍ،

 

كل اللي قاعدين بصف عريقات

 

بحب أقولهم في صف تاني بالبلد

 

مزّع من زمان كتاب "الحياة مفاوضات"

 

وعجبي

فوزية رأفت