السبت  03 حزيران 2023
LOGO

فوزية رأفت: زي ما اتظاهروا المعلمين احنا كمان مش ساكتين

2016-02-19 10:09:24 PM
فوزية رأفت: زي ما اتظاهروا المعلمين احنا كمان مش ساكتين
أعضاء مجلس الوزراء

 

الحدث

 

كتبت فوزية رأفت عن إضراب المعلمين، وعن قضايا أخرى ما يلي:

 

 في ناس إلها وزارة للسعادة

 

وفي ناس حظها بوزراء للنكد الزيادة

 

بحبسوا الغلبانين المظلومين زي المعلمين المسخمين

 

وببيعوا مي للعطشانين 

 

ولما تيجي تردهم وتصدهم وتقلهم يا ناس يا شر

 

بيقولوا خفوا عنا شوي وخفوا النق والقر

 

معاهم حق

 

ما هي الوزارة شطارة

 

وشوية امتيازات وبدل سفر ومهمات

 

ومرافقين وسيارة

 

ما هي من دون تشريعي الحكومة بتقلب دكانة عطارة

 

والختيار اللي فيهم بضل قاعد جنب الختيارة

 

حكي بجر حكي وبتضل تصريحاتهم وبياناتهم غريبة عجيبة 

 

ما بنفهم منها ولا عبارة

 

عندهم شوية قرارات بنشروها على الويب سايت

 

أهمها الألواح الرقمية، والمواقع الإباحية، وخط نابلس للسكة الحديدية 

 

وعلى فكرة بدهم يعملولنا كمان مكتبة وطنية 

 

أما الموازنة التفصيلية

 

ما سمعوا عنها من قبل ولا حتى فهموا شو يعني شفافية

 

وفتح ملفات زي التحويلات الطبية

 

ألعبوها معنا صح لإنه إحنا فاهمين

 

وعارفين ولهلأ ساكتين

 

وزي ما اتظاهروا المعلمين

 

راح تلاقونا فجأة احنا كمان متظاهرين

 

مش ساكتين مش ساكتين

وعجبي

فوزية رأفت